【add名人時尚】演員的35年 劉嘉玲:每個人都有大運 只要不放棄

07 Nov 2018 02:07 2
2,651
13 5

18歲入行,劉嘉玲人生有三分二時間在演戲,更是同期女星中最勤力一位。每個星期都會見到她,新片不斷、內地真人騷做評判、舞台劇等,堅持向前的35年演藝人生路,她謙稱機會多,但真的自豪得起,「比上不足,比下有餘啦,我一直都有機會,但真係有實力嘅人,先可以行到家,路遙知馬力。」
**前15年欠缺自信**
由90年代電視台歲月,到港產片盛世,以至合拍片、真人騷,嘉玲坦言遇上黃金歲月,「由畢業到家,一路都未擔憂過工作。但前嗰15年呢,我都唔係咁有自信,由化妝、着衫方法、做戲,都係做一啲討人哋喜歡。因為我未搵到真真正正嘅人係點樣。之後,慢慢成長,行過嚟,慢慢認識咗自己、知道咗自己點樣係最好,當你有信心,做任何嘢都會順利好多,得心應手好多。」一直努力向上,做人做演員一樣,生活就是考驗你的耐力及靱力,「我覺得有好多好好的演員,未必有機會拍片,但每個人都有佢嘅大運,只要你不放棄!」
**自傳未拍已經有名**
愛舞台,劉嘉玲年初首次監製兼主演禁忌師生戀題材電影《以青春的名義》,之後秦沛、謝君豪合作舞台劇《奪命証人》,上月又有電影《狄仁傑之四大天王》,中間更參演多部電影、電視劇。做足多年,每個舞台對她都有得著,「真人騷,可以令觀眾更加立體咁認識你;我做過三套話劇,嗰三套劇係令我知道咗專業演員應該做啲咩,放低啲咩,疏通咗我做演員的一條路。」近年女王、武則天做得多,常被指氣場強大,劉嘉玲現時更想演她口中,人到中年、面對生活困境的普通女人角色。
至於有否想過拍自傳?「身邊好多朋友叫我拍,連片名都幫我諗好咗,叫「我的未來不是夢」,都幾好,等我諗吓。」人在江湖,要兼顧不同方面,「將來我會拍,或者俾人拍,到時先將我嘅事,詳細啲講畀大家聽。」

Related of "【add名人時尚】演員的35年 劉嘉玲:每個人都有大運 只要不放棄" Videos