【頻入院觀察】五年前發病 傳梁潔華血病復發 黃日華:例行檢查

07 Nov 2018 00:46 0
4,403
3 0

(新增回應)
黃日華太太梁潔華2013年患上「急性骨髓性白血病」,需留院接受治療,經過化療後已康復,但今日有報道指梁潔華舊病復發,經常出入醫院,有傳黃日華已推掉所有工作,停工照顧太太。黃日華受訪時否認,稱太太因指數回升,需要觀察。現梁潔華已停工休息。
《蘋果》致電黃日華女兒黃芷晴了解,惟電話接通後她即cut線;黃日華經理人郭先生回覆稱:「都係例行檢查,以我所知就冇乜嘢。佢(黃日華)都係多數返大陸拍嘢,都要工作,唔會取取消行程。」至於黃芷晴的ig,已少貼家人合照,對上一次已經是9月初,慶祝爸爸生日時貼父女合照,獨欠媽咪梁潔華。她回覆傳媒表示:「係去覆診。」
現年58歲的梁潔華,現職保險工作。五年前發病之初,梁潔華以為自己只是普通感冒,至發現傷口一直不能癒合,才發現患上血癌,梁潔華說:「正常人嘅血小板係150至200,但我只有10!如果喺街暈低,個腦有機會撞爆,繼而死亡!」期間梁潔華在浸會醫院接受五次化療,體重由120磅暴跌至97磅。
梁潔華曾說,得知患病一刻,當下完全不能接受,幸得老公安慰:「醫生每日都提我會甩頭髮,有一日瞓醒,所有頭髮甩晒,當時只識喊。」身心的痛苦更令她患上抑鬱症。
黃日華知道太太患上血癌,晴天霹靂,但未有立即告知女兒黃芷晴,只待時機成熟才開家庭會議,讓女兒知道媽媽的病情。當時外間有不少傳聞,指黃日華為愛妻撲水醫病,據知醫藥費每月平均花逾三十萬。他說:「太太嘅醫藥費全部由保險公司支付,我冇經濟上嘅壓力,反而情緒壓力就好大。」
太太接受治療期間,黃日華每日頻撲出入醫院。由於白血病會令體內白血球下降,失去免疫力,如受細菌感染就好易發高燒,甚至出現其他併發症。故梁潔華患病後,黃日華十分緊張,全面消毒,亦不讓親友探病。當時大家都擔心黃日華壓力爆煲。
經過一年時間完成化療,梁潔華已經康復,更重返保險工作崗位。2015年她接受《蘋果》專訪時,笑說:「依家最緊要身體健康,我已經開始返工,一星期返兩日先,老闆想我休息得好啲,但係其實我喺醫院做緊化療嗰時我都係做緊嘢,我同我秘書講叫秘書去,見唔到客咁解,依家可以見番客。」
梁潔華,79年無綫第八期藝員訓練班畢業,80年因為合作《京華春夢》認識黃日華,二人88年結婚,並誕下女兒黃芷晴。92年,梁潔華退出娛樂圈,轉投保險界。

Related of "【頻入院觀察】五年前發病 傳梁潔華血病復發 黃日華:例行檢查" Videos